Тұрмыстық үй ғимаратында болған өрт сөндірілді

АСТАНА. Қаңтардың 10-ы. ҚазАқпарат /Қанат Құлшыманов/ - Тұрмыстық үй ғимаратында болған өрт сөндірілді.

Бұл туралы ҚазАқпарат тілшісі оқиға орнынан хабарлады.

«Өрт бірінші қабатта орналасқан тігін шеберханасынан шыққан. Шеберхананың ауданы 350 шаршыметрді құрайды»,- деп хабарлады Тұрмыстық үйдің әкімгері Айбек Кәкімбеков. Оның айтуынша, өрт шамамен сағат 11.30-да шыққан.

Өрт болған ғимараттың бірінші қабатын «Императорский портной», тігін шеберханасы жалдайды. Тұрмыстық үй - «Қараөткел» республикалық мемлекеттік кәсіпорнына қарайды, деді А.Кәкімбеков.

Өрт сөндіруге 6 техника, 2 арнаулы техника, 36 адам жұмылдырылды.