Twitter әлеуметтік желісі акцияларын сату арқылы млрд. доллар табуды көздеп отыр

АСТАНА. 4 қазан. ҚазАқпарат - Twitter микроблогтар сервисі ресми түрде өзінің акцияларын биржада жариялайтынын мәлімдеді.

Оның нәтижесінде шамамен миллиард доллар қаржы табуды көздеп отыр.

Twitter-дің акцияларын сатуды нақты қашан бастайтыны әзірге айтылмайды. Жекеменшік инвесторлар компанияның құнын 10 миллиард долларға бағалауда.

Twitter негізін салушы Эван Уильямас пен Джек Дорси бұрынғыдай компаниядағы ең ірі үлеске ие. Оларға шамамен 16 пайыздай тиесілі.