ТЖМ Жамбыл облысындағы жер сілкінісінің қуатына байланысты мәліметті жариялады

АСТАНА. KAZINFORM — Нақтыланған ақпарат бойынша жер сілкінісінің ошағы Қазақстан аумағында Алматы қаласынан оңтүстік-батысқа қарай 323 шақырым жерде орналасқан.

Жамбыл облысындағы сезімталдығы туралы мәліметтер:

Есептік қарқындылығы:

• Мерке ауылы 5.0 б.
• Кұлан ауылы 4.4 б.
• Шу қаласы 2.6 б.
• Толе Би ауылы 2.5 б.
• Сарыкемер ауылы 2.5 б.
• Тараз қаласы 2.4 б.
• Қордай ауылы 2.4 б.
• Аса ауылы 2.2 б.
• Мойынкұм ауылы 2.0 б.

Жер сілкінісі ошағының координаттары: 42.671º с. е. 73.013º ш. б. 

Тереңдігі — 5 км.

Жер сілкінісінің энергетикалық классы 12.3.

Магнитудасы MPV 5.7. 

Жер сілкінісінен кейін «Қазселденқорғау» ММ мамандары өзен арналарына, гидротехникалық құрылыстарға, сондай-ақ көшкін қауіпті және сел қауіпті учаскелерге мониторинг жүргізді.

—  Қосымша ЖП патрульдік полиция қызметкерлері тіршілікті қамтамасыз ету объектілерін ықтимал зақымдану мәніне көзбен шолып қарауды жүзеге асырады. Қазіргі уақытта барлық нысандар штаттық режимде жұмыс істейді. Жедел әрекет ету үшін Жамбыл облысы ТЖД жедел желісі жұмыс істеуде: + 7 262 51-35-75. Осы уақытта 11 ақпараттық мазмұндағы қоңырау келіп түсті, — делінген ведомство хабарламасында.

ТЖМ жер сілкінісі кезіндегі 10 қарапайым қадамды ескеруді ұсынды:

1. Жер дүмпуі кезінде үрейленбеңіз;
2. Жер сілкіну кезінде лифт және баспалдақпен қолданбаңыз;
3. Жиhаздан, терезеден, ары тұрыңыз;
4. Жасырынатын жерді табыңыз — жоғарғы қабаттарда негізгі іргелі қабырғалардың бұрышында орын алып жасырыңыз;
5. Ғимараттан шығыңыз (төменгі қабаттарда); — көп қабатты үйлерде жер сілкіс аяқталған соң ғимараттан шығыңыз;
6. Кетер алдында суды, газды, электр қуатын мүмкіндігіңізше өшіріңіз;
7. Дабыл жол сандығын алыңыз (алдын ала дайындау қажет);
8. Электр желілерден, ғимарат, ағаштардан аулақ болыңыз;
9. Жер сілкінуіне дайын болыңыз;
10. Қарт адамдарға, балаларға, мүмкіндігі шектеулі адамдарға көмек көрсетіңіз.

Бұған дейін Жамбыл облысында бүгіндікке екінші рет жер сілкінгенін жазған едік.