ҰБТ-да 1 балл жинаған түлек шетелдік 10 жоғары оқу орнынан шақырту алды

АСТАНА. KAZINFORM — ҰБТ-дан 1 балл жинаған Ерасыл Уәлиев Түркияның 10 университетінен шақырту алды.

ҰБТ
Фото: instagram.com/education.industry

Тестілеу нәтижесі туралы Ерасыл TikTok желісіндегі парақшасында айтқан болатын.

Ол ҰБТ адам өмірінде шешуші рөл атқармайды деп есептейді. Бейнеролигінде жетістікке жеткен бірқатар адамды мысал келтірген. Ол Дональд Трамп, Билл Гейтс және Стив Джобсқа мектепте білім алу оңай болмағанын, осыған қарамастан олар жетістікке жеткенін айтады. 

Белгілі болғандай, бүгінде Ерасыл Түркияның 10 университетінен шақырту алған. Бұл туралы Instagram желісіндегі Education Industry парақшасында жазылған.

Оның таңдауы Özyeğin University-не түсіпті. Енді жасанды интеллект жайлы білім алатын болады.

Соңғы жаңалықтар