Үкімет азық-түлік бидайының сатып алу бағасын анықтады

АСТАНА. 7 қазан. ҚазАқпарат - Үкімет отырысында астықтың мемлекеттік ресурстарына «Азық-түлік келісімшарт корпорациясы» Ұлттық компания» АҚ сатып алынатын азық-түлік бидайының бағасы ҚҚС төлеушілер үшін 1 тоннасына 28000 теңге, ҚҚС төлемеушілерге 1 тоннасына 25000 теңге көлемінде белгіленді.

Бұл туралы ҚР Ауыл шаруашылығы министрлігінің баспасөз қызметі хабарлады.

Мемлекеттік ресурстарға сатып алынатын астықтың сапа көрсеткіштері:

заттай өткізу көрсеткіші - 710 г/л және одан жоғары, басқа сапа көрсеткіштері - ҚР СТ 1046-2008 «Бидай. Техникалық жағдайлар» 3 сынып үшін нормалардан төмен емес.

Астықты мемлекеттік ресурстарға 2013 жылғы егіннен сатып алу азық-түліктік астықтың мемлекеттік резервін жаңарту, азық-түлік қауіпсіздігін, астық нарығын жедел реттеу және республиканың жұмылдыру қажеттілігін қамтамасыз ету мақсатында жүзеге асырылады.

Қазіргі уақытта мемлекеттік астық ресурсына жеткізілетін астықтың сатып алу бағасын бекіту туралы Қазақстан Республикасы Үкіметінің қаулы жобасы мүдделі органдарда келісу процедурасынан өтуде.