Үкімет басшысы мен Білім және ғылым министрі 2011 жылдағы мақсатты индикаторларға қол жеткізуді міндеттейтін меморандумға қол қойды

АСТАНА. 19 қаңтар. ҚазАқпарат /Руслан Ғаббасов/ - Бүгін Үкімет басшысы Кәрім Мәсімов пен Білім және ғылым министрі Бақытжан Жұмағұлов білім беру ведомствосының 2011 жылдағы мақсатты индикаторлары мен көрсеткіштеріне қол жеткізуге міндеттейтін меморандумға қол қойды.

«Меморандумда жоғары индикаторлар қамтылған және қойылған талаптар өте маңызды. Сондықтан да біз Үкіметтің біздің салаға жүктеп отырған жауапкершілігін қолдаймыз және түсініп отырмыз»,-деді Білім және ғылым министрлігінің алқа мәжілісінде Б. Жұмағұлов. Айта кетейік, жыл басынан бері министрліктер мен ведомстволардың өткен жылдың қорытындылары мен биылғы жылдың мақсат -міндеттеріне арналған алқа мәжілістерінде Үкімет басшысы ведомство басшыларымен осындай меморандумдар бекітіп келеді.