Үкімет қазынаның мүмкіншілігіне қарай кен-қазба және мұнай өнеркәсібі секторларына қолдау көрсетуге дайын - Премьер-Министр

АСТАНА. Қаңтардың 21-і. ҚазАқпарат /Ернұр Ақанбай/ - Бүгін Энергетика және минералдық ресурстар министрлігінің алқа мәжілісінде Үкімет басшысы Кәрім Мәсімов ведомствоға кен-қазба және мұнай өнеркәсібі секторларына мемлекеттік қолдау көрсету үшін ұсыныстарын жинақтауды тапсырды,

деп хабарлайды ҚазАқпарат. «Жер қойнауын пайдалану туралы мәселені Сіз бүгін көтердіңіз. Кен-қазба өнеркәсібі, мұнай өнеркәсібі бойынша өздеріңіздің барлық ұсыныстарыңызды жинақтағаннан кейін, Үкімет оларды республикалық бюджеттің мүмкіншіліктеріне сәйкес, кешенді түрде қарауға дайын», деді алқа мәжілісінде К. Мәсімов министр Сауат Мыңбаевқа қаратып айтқан сөзінде.