Ұлт Лигасының алғашқы сынында Қазақстан Грузия құрамасына жол берді
АСТАНА. ҚазАқпарат - Қазақстан құрамасы Ұлт Лигасы матчында қарсыластарына жол берді, деп хабарлайды «SPORTINFORM» САА.
Ойын басында екі команда да тең түсіп жатты. Алайда, екінші таймның орта тұсына таман грузиндер 5 минуттың аралығында екі рет гол соғып үлгерді. Алдымен Чакветадзе мергендігімен танылса, артынан Малый өз қақпасына гол салып алды.
Бүгін Ұлт Лигасының «D» дивизионының 1-ші тобының тағы екі қатысушысы өзара бәсекеге түседі. Олар: Латвия мен Андорра құрамалары.
Қазақстан -Грузия 0:2 (0:0)
Голдар: Чакветадзе 69, Малый - автогол 75
