Ұлттық академиялық кітапханада Жолтай Әлмашұлының жаңа кітаптары таныстырылды
АСТАНА. KAZINFORM — ҚР Ұлттық академиялық кітапханасында жазушы, драматург Жолтай Әлмашұлының «Олигарх қазақ», «Көктүрік сарыны» және «Клятва любви» атты жаңа кітаптарының таныстырылымы өтті, деп хабарлайды Мәдениет және ақпарат министрлігі.
Кеш барысында қаламгер шығармашылығының идеясы мен әдеби кеңістіктегі орны сөз болды.
Іс-шараға зиялы қауым өкілдері, жазушылар, әдебиеттанушылар мен оқырмандар қатысты.
Кездесуде қаламгер туындылардың жазылу тарихы мен идеялық бағыты туралы айтып берді.
Жазушыға ҚР Парламенті Сенатының төрағасы Мәулен Әшімбаевтың құттықтау хаты табысталды.
Жиынға қатысушылар автор шығармашылығының ерекшеліктеріне тоқталып, туындыларға қатысты ой-пікірін білдірді.
Бұған дейін Алматыда 24 сағат жұмыс істейтін кітапханалар саны артатыны белгілі болды.
