Ұлттық банк ресми қайта қаржыландыру мөлшерлемесін төмендетті
АЛМАТЫ. 1 маусым. ҚазАқпарат - Ұлттық банк ресми қайта қаржыландыру мөлшерлемесін 6,5-тен 6 пайызға төмендетті.
Орталық банктің баспасөз қызметінің хабарлауынша, оған жылдық инфляция қарқындарының баяулау үрдісі мен қаржы нарығындағы қалыптасқан ахуал түрткі болып отыр. ҚР Ұлттық банкінің басқармасы 4 маусымнан бастап Қазақстан Республикасы Ұлттық банкінің ресми қайта қаржыландыру мөлшерлемесін жылдық 6 пайыз деңгейінде белгілеуге қаулы қабылдады. Жалпы бұған дейін соңғы рет ресми қайта қаржыландыру мөлшерлемесі 2 сәуірде өзгерген еді. Онда мөлшерлеме 7-ден 6,5 пайызға дейін төмендетілген болатын.
