Ұлыбритания билігі экс-министрлерге шетелдегі елшіліктерде тегін тоқтауға тыйым салды

АСТАНА. ҚазАқпарат - Ұлыбританияның Сыртқы істер министрлігінің жаңа қаулысына сәйкес, енді экс-премьер-министрлер мен бұрынғы министрлер бизнес-сапарға шыққанда елдің шетелдегі елшіліктерінде тегін тоқтай алмайды, деп хабарлады russian.rt.

РИА Новости хабарлағандай, сыртқы саяси ведомствоның бұл шарасы - үкіметтің ресурстары мен қызметкерлерді орынсыз пайдалануға жол бермеу.

«Ұлыбритания бизнесінің өкілдері ретіндегі логистикалық қолдауға үмітті бұрынғы премьер-министрлер мен бұрынғы министрлер енді сауда және инвестициялар бойынша департаментінің ресми каналдары арқылы өтініш беруі тиіс», делінген құжатта.