Үндістанда жол апатынан 28 адам ажал құшты, ішінде 13 бала бар

АСТАНА. 3 қазан. ҚазАқпарат - Үндістанда жол апаты салдарынан 28 адам опат болды, оның ішінде 13 бала бар,

деп хабарлады Associated Press.

Келеңсіз оқиға Гаухати қаласынан 160 шақырым жерде Ассам штатында орын алды. Батыс Бенгалия штатына бағыт алған жүк көлігі кірпіш өндіретін зауытқа жұмысшыларды апара жатқан екі шағын автобусқа соғылған. Оның салдарынан екі автобус та жолдан шығып кетіп, орға аударылды. Қаза тапқан бес жұмысшы әйелдің қасында балалары да болған. Жүк көлігінің жүргізушісіне не болғаны әзірге белгісіз. Оны денесі табылмады.

Апатқа байланысты басқа да жағдайлар анықталып жатыр.