Үрімшідегі тәртіпсіздікке қатысқан бес адам өлім жазасына кесілді

АСТАНА.  Желтоқсанның  24-і. ҚазАқпарат -  Қытайда  маусым айында  Шынжаң  провинциясында орын  алған  тәртіпсіздіктерге   қатысқаны үшін   бес  адам  сот үкімімен   өлім жазасына кесілді.

Бұл   туралы ВВС  телекомпаниясының Орыс қызметі  хабарлады.

200-ге жуық  қаза тапқан   және  1,6 мыңнан  астам  жараланған  Шынжаңдағы   тәртіпсіздіктер  туралы іс  бойынша бұған дейін    17  адам өлім жазасына кесілген     болатын.

Шынжаңның  орталығы   Үрімшіде   орын алып, соңы   тәртіпсіздікке ұласқан  бұқаралық наразылықтар    Қытайдың   Гуандун  провинциясындағы  ойыншықтар  фабрикасындағы  болған   оқиғалардың   салдарынан    туындаған еді.