Вице-премьер жұмыс сапарымен Шығыс Қазақстанға барады

ӨСКЕМЕН. Ақпанның 26-сы. ҚазАқпарат /Людмила Малько/ - Үкімет басшысының орынбасары Өмірзақ Шөкеев бүгін Шығыс Қазақстанға жұмыс сапарын жасайды деп күтілуде.

ҚазАқпарат тілшісі бұл туралы Шығыс Қазақстан облысы әкімдігінің баспасөз қызметіне сілтеме жасап хабарлайды. Сапар бағдарламасына сәйкес, вице-премьер «АзияАвто» және «СемАЗ» машина жасау саласының кәсіпорындарын, «Қазмырыштың» Шығыс Қазақстан жылыжай шаруашылығын аралайды, Өскемен-Зырянов күре жолына ат басын тірейді. Семейде вице-премьер «Ертіс» әлеуметтік-кәсіпкерлік корпорациясының ұжымына жаңа басшы Ермек Көшербаевты таныстырады. Ө.Шөкеевтің аймаққа сапары Өскеменде «Алтай» технопаркінде өтетін дағдарысқа қарсы шаралар жөніндегі кеңеспен аяқталады.