Волейболдан Азия чемпионаты: Қазақстандық қыздар Қытайға есе жіберді
НҰР-СҰЛТАН. ҚазАқпарат - Оңтүстік Кореяның Сеул қаласында волейболдан өтіп жатқан Азия чемпионатында Қазақстан құрамасы Қытайдан ұтылды, деп хабарлайды ҚазАқпарат Olympic.kz сайтына сілтеме жасап.
Іріктеу айналымында екінші орын алған қазақстандықтар Жапония, Қытай және Индонезия командаларымен бірге F тобына түскен болатын. Өкінішке қарай, Қытай командасынан біздің құрама 3:0 есебімен жеңіліп қалды. Қытайлықтар үш партияда 25:23, 25:12, 25:15 есебімен басым түскен.
Қазақстандықтар 23 тамыз күні Индонезияға қарсы ойнайды.
