WTA: Путинцева рейтингін жақсарта түсті

АСТАНА. ҚазАқпарат - Әйелдер теннис қауымдастығы (WTA) спортшылардың жаңартылған рейтингін жариялады, деп хабарлайды Sports.kz.

Жеке разрядта бірінші орынға румындық Симона Халеп көтерілсе, екінші орынды - даниялық спортшы Каролин Возняцки, үшінші позицияны испаниялық Гарбинье Мугуруса иеленді.

Қазақстанның мықты теннисшісі Зарина Дияс 54-ші орында қалды.

Юлия Путинцева алдыңғы рейтингпен салыстырғанда төрт сатыға көтеріліп, 79-позицияны иеленді.

Жұптық разрядтағы Қазақстанның жалғыз өкілі Ярослава Шведова 22 позицияға төмен түсіп, 77-орынға жайғасты.