Юлия Путинцева Бостад турнирінің ширек финалына шықты

АСТАНА. ҚазАқпарат - Әлемнің 74-ші ракеткасы, Қазақстан теннисшісі Юлия Путинцева Бостодта (Швеция) турнирдің ширек финалына шықты. Жарыстың екінші айналымында спортшы WTA рейтингінде 253-ші сатыдағы француздық Ализе Лимнен 6/0, 1/6, 6/2 есебімен басым түсті.

Алғашқы ойыншылардың бетпе-бет кездесуі 1 сағат 44 минутқа созылды. Бұл уақытта Юлия алты брейк жасады да екі рет қатеге жол беріп алды. Өз кезегінде, 25 жастағы Ализе төрт брейк-пойнт жасап, соққан кезде екі рет қателесті.

Путинцеваның қарсыласы Collector Swedish Open турнирінің ¼ финалында америкалық Серена Уильямс пен чехиялық Клара Коукалованың арасындағы айқастың жеңімпазы болады.