Юлия Путинцева АҚШ-тағы жарыстың ширек финалынан тыс қалды

АСТАНА. KAZINFORM – Қазақстанның екінші, әлемнің 23-ракеткасы Юлия Путинцева Чарльстон (АҚШ) WTA 500 турнирінің ширек финалына шыға алмады.Қазақстандық теннисші үшінші айналымда әлемнің 16-ракеткасы, америкалық Аманда Анисимовамен бетпе-бет келді.

Қос партия да 6:4, 6:4 есебімен аустралиялық спортшының пайдасына шешілді.
Бір сағат 16 минутқа созылған бәсекеде Путинцева 2 эйспен бірге 1 брейк-пойнтты пайдалана білді. Анисимова 3 эйс жасап, 4 брейк-пойнттың үшеуін өз есебіне жазды.

Аманда Анисимова жартылай финалға шығу үшін америкалықтар, әлемнің 11-ракеткасы Эмма Наварро немесе рейтингіде 34-орындағы Эшлин Крюгердің қай жеңгенімен таласады.

Еске сала кетейік, бұдан бұрын Юлия Путинцеваның Чарльстон турнирінің үшінші айналымына жолдама алғанын жазған болатынбыз.