Юлия Путинцева Чарльстон турнирінің үшінші айналымына жолдама алды

АСТАНА. KAZINFORM – Қазақстанның екінші, әлемнің 23-ракеткасы Юлия Путинцева Чарльстон (АҚШ) WTA 500 турнирінің үшінші айналымына шықты.

путинцева
Фото: instagram.com/yulia_putintseva

Жарыстың 10-ракеткасы болып тіркелген, биыл 30-ға толған қазақстандық теннисші екінші айналымда дүниежүзілік рейтингіде 176-орында тұрған 36 жастағы қытайлық Чжан Шуаймен шеберлік байқасты. 

Бірінші партияда қарсыластар үлесіне төрт брейктен тиді. Тай-брейк Путинцеваның пайдасына шешілді – 7:6 (7:5).

Екінші сетте қазақстандық спортшы 3:0 есебімен алға шыққанымен, Шуай қайыра брейк жасады. Дегенмен Путинцева тағы бір брейкпен есепті 5:1-ге жеткізді. Сосын қарсыласы доп бергенде, екінші матчболын құр жіберген жоқ – 6:1.

Сағат жарымға жуық уақытқа созылған бәсеке барысында Юлия 3 эйспен бірге 11 брейк-пойнттың сегізін пайдаланды. Шуай 1 эйс, 5 брейкпен (9 брейк-пойнт) көзге түсті. 

Юлия Путинцева ширек финалға шығу үшін әлемнің 16-ракеткасы, Аустралия өкілі Аманда Анисимовамен таласады. Ол екінші айналымда ресейлік, рейтингіде 52-сатыдағы ресейлік Вероника Кудерметованы оңай жеңді – 6:2, 6:2.

Өткен жылы аталмыш додаға қатыспаған Ю.Путинцева қазіргі сәтте WTA Live рейтингісінде 22-орынға көтеріліп тұр. 

Еске сала кетейік, бұдан бұрын Дмитрий Попконың Мексикадағы жеңісті жолын жалғастырғанын жазған болатынбыз.


Соңғы жаңалықтар