Зарина Диас Ноттингем турнирінің жартылай финалына өтті
АСТАНА. ҚазАқпарат - Қазақстандық Зарина Диас Ұлыбританияның Ноттингем қаласында өтіп жатқан ITF сериясының жасыл корттағы теннис турнирінің жартылай финалына шықты, деп хабарлады Vesti.kz.
Ширек финалдық матчта 20 жасар Зарина 6:1, 6:7, 6:3 есебімен 22 жасар америкалық теннисші Мелани Одинді басып озды. Айта кетейік, Зарина Диас әлемнің 86-шы ракеткасы, ал америкалық - 161-ші ракетка екенін атап өткен жөн.
Жарыстың жартылай финалында Зарина Диас португалиялық теннисші Мишель Ларшер де Бритумен ойынға шығады, ол WTA рейтингінде 117-ші орында.
