Жағажай волейболынан алматылық қыздар ел Кубогын иеленді
АЛМАТЫ. Қыркүйектің 1-і. ҚазАқпарат /Ерлік Ержанұлы/ - Жағажай волейболынан Ақтау қаласында өткен Қазақстан кубогы ойындары өз жалауын түсірді,
деп хабарлайды ҚазАқпарат ҚР Волейбол федерациясының баспасөз қызметіне сілтеме жасап.
Оған ерлер арасында 12, әйелдер арасында 8 команда қатысқан болатын. Тартысты өткен сайыста әйелдер арасында Татьяна Машкова мен Ирина Цимбалованың жұбынан тұратын Алматы қаласының "Алматиночка-1 СШВСМ" командасы Қазақстан кубогының жеңімпазы атанды. 2-3 орынды жарыс қожайындарының "Каспий-1", "Каспий -2" командалары бөлісті. Ал ерлер арасында өткен додада алматылық "Искра-Телеком-2" командасының волейболшылары Денис Ровкин мен Сергей Шиндов екінші орынды қанағат тұтты. Онда Александр Бабичев пен Алексей Кулешовтың жұбынан тұратын Ақтау қаласының "Каспий-1" командасы Қазақстан кубогының иегері атанса, Ақтөбе қаласының "Каспий-2" командасы үздік үштікті түйіндеді.
