Жамбыл облысында 400 мың гектардан астам пайдаланылмай жатқан жер анықталды

АСТАНА. 10 қазан. ҚазАқпарат - Жамбыл облысында ауыл шаруашылығы жерлерін түгендеу барысында 400 мың гектардан астам пайдаланылмай жатқан жер анықталды.

«Бүгінде облыстың ауыл шаруашылығы айналымына соның шамамен 130 мың гектары енгізілді»,-деді бүгін ҚР Президенті жанындағы Орталық коммуникациялар қызметінде өткен баспасөз мәслихатында Жамбыл облысының әкімі Қанат Бозымбаев.

Әкімнің айтуынша, соңғы 3 жылда егіс айналымында азықтық дақылдар алқабы 16,2 пайызға, майлы дақылдар - 25,8 пайызға, көкөніс 12,7 пайызға ұлғайған.