Жамбыл облысында 80 пайыздан астам дәнді дақыл масақтары жиналды
ТАРАЗ. 14 тамыз. ҚазАқпарат - Жамбыл облысында бүгінде облыстағы дәнді дақылдар егетін негізгі аудандарда егіннің 80 пайыздан астам алқабын жинады. Бұл туралы Жамбыл облыстық әкімдігінің ауыл шаруашылығы басқармасынан хабарлады.
Биылғы жылдың орташа өнімділігі алдағы жылдардікінен айтарлықтай төмен болып шықты - бір гектардан шамамен сегіз центнердей жиналды. 2011 жылы аймақтағы дәнді дақыл масақтарының өнімділігі бір гектардан 16,4 центнерді құрады, кейбір алқаптарда - бір гектардан 25 центнерге дейін, 2010 жылдың өнімділігі - 14,9 ц/га болған еді.
Облыстық ауыл шаруашылығы басқармасының бастығы Мұрат Асылбековтың айтуынша, биылғы жыл жамбылдық ауыл шаруашылығы еңбеккерлері үшін барлық жағынан күрделі өтті. «Сәуір айына дейін қар жатты, бұл біздің өңірімізге тән емес, сондықтан жер толық жібіп үлгермеді. Жалпы алғанда көктем мезгілі де салқын, жаңбырсыз, ауа температурасының күрт өзгерулерімен, ерте басталған ыстықпен ерекшеленді. Мамыр айында бізде әдетте жаңбыр болатын, бұл кезеңде егін сабақтанып, дән сала бастайды. Еккеніміздің барлығы шықпай, былайша айтқанда, астық «жанып кетті»», - деді ол.
Құрғақ жаздың салдарынан Жамбыл облысындағы жекелеген аудандардың шаруашылықтары өнімдерінің жартысынан көбін жоғалтты. Бастапқы кезеңде облыста шамамен 30 мың га жердің егіні есептен шығарылды, дәнді егістерді жинау аяқталғанша тағы 10-12 мың гектарды есептен шығару болжамдануда.
