Жамбыл облысында битум құйылған цистернаға екі жігіт батып кетті

ТАРАЗ. ҚазАқпарат - Оқыс оқиға Тараз маңындағы Үшбұлақ стансасында орналасқан «Арсико Строй Инвест» ЖШС асфальт-бетон зауытында орын алды, деп хабарлады Жамбыл облыстық ІІД баспасөз қызметінен.

Белгісіз себептермен битум болған цистернаға екі ер адам құлап түскен. Біреуі - 23, ал екіншісі - 21 жаста. Олар оқиға орнында қаза тапты.

Жамбыл облыстық ТЖД Жедел-құтқару жасағының қызметкерлері екі адамның мәйітін алып шығып, полиция қызметкерлеріне тапсырды. Ер адамдардың мерт болуы жағдайының себептері анықталып жатыр, деді Жамбыл облыстық ТЖД.