Жамбылда жыл басынан бері 5 өрт тіркеліп, 1 адам көз жұмды

ТАРАЗ. ҚазАқпарат - Жамбыл облысында жыл басынан бері 5 өрт оқиғасы тіркелді. Салдарынан 4 адам жараланып, 1 адам қаза тапты, деп хабарлайды ҚазАқпарат.

Өңірдегі төтенше жағдай департаментінің мәліметінше, былтыр онда 753 өрт оқиғасы тіркелген.

«Тосын оқиғалар кезінде 8 адам көз жұмды, 14 тұрғын түтіннен уланып қалды, 18 адам зардап шеккен», - деп жазды ведомстводан.

ТЖД қызметкерлері су мен өрт қауіпсіздігі ережелерін қатаң сақтауды ескертеді.

Айта кетейік, кеше Жамбылда қаңтар оқиғасы кезінде жоғалған қару-жарақтар табылғанын хабарлағанбыз.