Жаңа жылмен жарыса өткізілген жәрмеңке

ҚЫЗЫЛОРДА. Қаңтардың 5-і. ҚазАқпарат /Руслан Игілік/ - Қызылордадағы Тағзым алаңында тағы бір азық-түлік жәрмеңкесі өткізілді,

деп хабарлайды ҚазАқпарат тілшісі. Мереке күндері бағаның негізсіз өсуіне жол бермеу мақсатында ұйымдастырылып отырған бұл жәрмеңкеге облыс аудандары түгелдей атсалысты. Облыс орталығының тұрғындарына 140 автокөлікпен әкелінген 34 млн. теңгенің 40 түрлі өнімі ұсынылды. Жалпы, бұл былтырғы жылдан бері Қызылордада өткізілген 71-інші жәрмеңке болды.