Жаңадан салынған «Балдырған» балабақшасына 150 бала қабылданды

КӨКШЕТАУ. Қыркүйектің 9-ы. ҚазАқпарат /Жанмұрат Жанайдаров/ -Ақмола облысына қарасты Жарқайың ауданының орталығы Державинск кентінде жаңадан салынған «Балдырған» балабақшасы 150 бүлдіршінге есігін  ашты,

деп хабарлайды ҚазАқпарат тілшісі.

Аудан әкімі Аманбек Қалжанов балғындар орталығының ашылуының рамазан айымен тұспа-тұс келуін жақсылыққа балап, барша жұртқа қызық-қуаныш тіледі. Жаңа балалар мекемесінде 46 адам жұмыспен қамтамасыз етіліп, олар да мәз. Бұл шаруаға республикалық және жергілікті бюджеттен  140 миллион теңге қаржы жұмсалды. Іші-сырты көз тартар мекемеде барлық жиһаз-жабдықтар, басқа да қажеттіліктер алынып, орнатылған. Нәтижесінде ойын, музыка, демалыс бөлмелері, жатын орны мен асхана жақсы көз тартады. Ауладағы ойын алаңы да талапқа сәйкестендірілген.