Жапондық аниматор Хаяо Миядзаки «Оскар» сыйлығына ие болды
АСТАНА. ҚазАқпарат - Атақты жапондық аниматор Хаяо Миядзаки кинематографиядағы тағы бір еңбегі үшін "Оскар" сыйлығына ие болады. Бұл туралы Америкалық киноөнер академиясы мәлімдеді.
Миядзакимен бірге француздық режиссер Жан-Клод Карьер және ирландиялық актриса Морин О'Хара да бұл сыйлықтың лауреаты атанды. Марапаттау шарасы 8 қарашада Лос-Анджелесте өтеді.
Хаяо Миядзакидің картиналары Жапония мен өзге елдерде де кеңінен танымал. Оның "Унесенные призраками" лентасы 2002 жылы "Оскар" сыйлығына ие болған еді.
