17:33, 10 Қазан 2024 | GMT +5
Жапония әйелдер құрамасы үстел теннисінен Азия чемпионы атанды
АСТАНА. KAZINFORM – Астанада өтіп жатқан үстел теннисінен Азия чемпионатында әйелдер арасындағы командалық бәсеке өз мәресіне жетті.
Финалдық сайыста Қытай құрамасы мен Жапон құрамасы кездесті.
Жапондық қыздар мықты қарсыластарын 3:1 есебімен жеңіп, Азия чемпионы атанды. Ал жартылай финалда жапондықтардан жеңілген Үндістан құрамасы қола медаль иеленді.
Қазақстан әйелдер құрамасы екінші группада Оңтүстік корея мен Моңғолия құрамасына жол берді. Сондай-ақ, қазақстандық қыздар Өзбекстан мен Иран әйелдер құрамасынан жеңіліп, 14-орыннан көрінді.
Айта кетейік, Қазақстан ерлер командасы 7-8 орын үшін сайыста Иранды 3:1 есебімен жеңіп, ширек финалда Үндістанға жол берген болатын.
