Жапония өзінің стратегиялық қорындағы мұнайды сата бастады
АСТАНА. KAZINFORM — Жапония Таяу Шығыстағы ахуалға байланысты өзінің стратегиялық мұнай қорының бір бөлігін нарыққа шығаруды бастады, деп хабарлайды Report.
Бұған дейін Жапония премьер-министрі Санаэ Такаити нарыққа 45 күндік тұтынуға тең мұнай көлемін шығаруға ниетті екенін мәлімдеді. Алдымен 15 күнге жеткілікті жеке резервтер шығарылады. Наурыз айының соңына қарай елдің бір айлық қажеттілігін өтеуге жеткілікті көлемді сатуды бастайды деп жоспарланған. Бұл көлемдегі мұнай көтерме сатып алушыларға салыстырмалы түрде төмен бағамен сатылады.
Жапонияның жалпы мұнай қоры мемлекеттік және жеке қорларды қосқанда елдің 254 күндік қажеттілігін өтейді, бұл шамамен 470 млн баррельді құрайды.
Еске сала кетейік, 28 ақпанда АҚШ пен Израиль Иранға қарсы әскери операция бастады. Салдарынан Жоғарғы Көшбасшы Әли Хаменеи мен бірнеше жоғары лауазымды шенеунік қаза тапты. Осыдан кейін Иран тек Израильде емес, сонымен қатар АҚШ пен одақтастарының әскери базалары орналасқан елдерде — Сауд Арабиясы, Катар, Біріккен Араб Әмірліктері, Оман, Бахрейн, Ирак және Кипрдегі нысандарға соққы бере бастады.
