Жапонияда цунами мен жер сілкінісінен қаза тапқандардың саны 14 мыңға жетті
АСТАНА. 19 сәуір. ҚазАқпарат - 11 наурызда Жапонияда болған жер сілкінісі мен цунамидің салдарынан 14 мың адам қаза тапты.
19 сәуір күні таңертең Жапония билігі осындай деректерді жариялады, - деп жазады Лента.ру.
Табиғи апаттан қаза тапқандарды санап жатқан Жапонияның ұлттық полиция агенттігі опат болғандардың нақты тізімінде 13 мың 843 адам бар екендігін хабарлады. 14 мың 30 адам із-түзсіз жоғалып кеткен. Уақытша орналастыру орталықтарында қазір жер сілкінісі мен цунами салдарынан баспанасыз қалған 136,5 мың адам қалуда.
