Жапонияның орталық банкі соңғы 17 жылда мөлшерлемені ең жоғары деңгейге көтерді
АСТАНА. KAZINFORM — Бұл шешім елде жалақы көтерілуі мүмкін деген болжам аясында қабылданды, деп хабарлайды Kyodo News ақпарат агенттігі.
Жұма күні Жапония банкі (BOJ) пайыздық мөлшерлемесін 0,25%-дан 0,5%-ға дейін көтерді, бұл — соңғы 17 жылдағы ең жоғары деңгей.
Банктің мәлімдеуінше, егер экономика мен баға оның болжамдарына сәйкес өзгерсе, ол негізгі қысқа мерзімді пайыздық мөлшерлемені көтеруді жалғастырады.
Бұл оның Кеңесі биылғы жылғы келіссөздер барысында жалақының күрт өсуінің кезекті раундына сенімді болуы аясында мөлшерлеменің өткен жылдың шілдесінен бері бірінші жоғарылауы.
Ақпарат көздерінің хабарлауынша, АҚШ президенті Дональд Трамптың инаугурациясынан кейінгі қаржы нарықтарының салыстырмалы тұрақтылығы кеңес мүшелеріне қосымша сенім беріп отыр.
Соңғы рет негізгі қысқа мерзімді мөлшерлеме 2008 жылдың қазан айында жаһандық экономика қаржы дағдарысының салдарын сезіне бастағанда 0,5%-ды құрады.
Инфляция деңгейі де 2022 жылдың сәуірінен бастап Жапония банкінің 2% мақсатты көрсеткішінің деңгейінде немесе одан жоғары қалып отыр.
Бұған дейін Жапонияда туу деңгейі қазіргі деңгейде жалғаса берсе, 2720 жылдың 5 қаңтарына қарай елде 14 жасқа толмаған бір ғана бала болатынын жазған болатынбыз.
