Жас екібастұздықтарға арнап футбол және спорт алаңдары салынады
Бұл туралы Дене шынықтыру және спорт бөлімінен хабарлады.
Бүгінде қала мен қала маңындағы селолық аумақта 210 спорттық нысан, атап айтқанда 2 спорт кешені, стадион, 62 спорт зал, 5 бассейн, 15 тир, ипподром, 115 спорттық алаң, 9 хоккей корты жұмыс істеп тұр. Бес мың баланы спортқа баулып отырған 5 спорт мектебі тағы бар.
Былтыр қаланың алты муниципальдық округінде балаларға арналған ойын және спорт алаңдары салынды.Олардың құрылысына қалалық бюджеттен 13,5 миллион теңге бөлінді. Сондай-ақ спорттық-бұқаралық жұмыстарды ұйымдастыру үшін спорт нұсқаушыларының қосымша алты ставкасы енгізілді. Жол картасының аясында №1 балалар спорты мектебі жөндеуден өткізілді.
Балалар мен жасөспірімдер спортын дамыту жұмыстары биыл да жалғасын таппақ.