Жастар арасында ұлттық спорт түрлерін дамыту туралы семинар-конференция өтеді

 АЛМАТЫ. Қазанның 28-і. ҚазАқпарат /Ерлік Ержанұлы/ - Қазанның 30-ы күні Шымкентте, Мұхтар Әуезов атындағы Оңтүстік Қазақстан мемлекеттік университетінде «Жастар арасында ұлттық спорт түрлерін дамыту» деген тақырыпта семинар-конференция өтеді, 

 деп хабарлайды ҚазАқпарат.

«Оны Туризм және спорт министрлігінің Спорт комитеті мен «Есіртіксіз болашақ» корпоративтік қоры бірігіп ұйымдастырып отыр. Мақсат - ұлттық спорт түрлерін насихаттау. Оған еліміздің әр түкпірінен  мамандар қатысып, ұлттық спорт түрлерінің қазіргі жай-күйі мен оны дамытудың өзекті мәселелерін талқылайды», дейді ұйымдастыру комитетінің мүшесі Іңкәр Жаназарова.

 Бұл семинар-конференция аясында, сондай-ақ қазанның 31 күні 16-20 аралығындағы жастар арасында республикалық жарыс өтпек.   Бұл  туралы  ұйымдастырушылар алдын ала еліміздің 14 облысы мен республикалық маңызы бар 2 қаласына  шақыру хаттар  жіберген еді. І. Жаназарованың сөзіне қарағанда, қазір олардан өтініштер де келіп түсіп жатыр.