Жауынгерлер суға батып бара жатқан адамды құтқарып қалды

ОРАЛ. ҚазАқпарат - Жуырда ҚР Ұлттық ұланының жауынгерлері Ақтау қаласында суға батып бара жатқан адамды құтқарып қалды.
None
None

ҚР Ұлттық ұланы «Батыс» өңірлік қолбасшылығының баспасөз қызметінен түскен мәліметке қарағанда, оқиға 23 тамыз күні кешкісін орын алған. 6656-әскери бөлім сарбаздары, кіші сержант Джаббор Гапаров, қатардағы жауынгер Асыл Асқаров полиция қызметкері Әділбек Нұрбосыновпен бірге Каспий маңында қоғамдық тәртіп күзетінде жүрген. Кенет олар теңіз жағасынан көмек сұрап, айқайлаған екі адамның дауысын естиді. Сол бойда теңіз жағасына жеткен олар суға батып бара жатқан ер адамды көреді. Джаббор мен Асыл ойланбастан құрал-жарағын Әділбекке беріп, көмекке ұмтылды. Ер адамды құтқарып, жағаға алып шықты. Жедел жәрдем келгенше, су жұтып, зәресі ұшқан адамға алғашқы медициналық көмекті де көрсетті.

Батылдығы үшін Д.Гапаров пен А.Асқаров марапатқа ұсынылды.

Соңғы жаңалықтар