Желіде жәшікке бюллетень салудың ескі видеосы тарап жатқаны анықталды

НҰР-СҰЛТАН. ҚазАқпарат – Telegram арналарында бюллетеньдерді дауыс беруге арналған жәшікке салу барысы көрсетілген бейнеролик тарады. Бұған қоса, бейнежазбаның бүгін республикалық референдум барысында түсірілгені айтылды. Бұл – жалған ақпарат, деп хабарлайды ҚазАқпарат stopfake.kz телеграм каналына сілтем жасап.

«Шын мәнінде, бұл видео 2009 жылы Қырғызстандағы президенттік сайлау кезінде түсірілген. Оны желіден тауып, көруге болады. Қолданушылардың жазуынша, заң бұзушылық Бақай ата ауданындағы №6071 учаскеде жасалған», - делінген ақпаратты тексерушілер каналында.