Жетісу облысында 4 жасар бала құтқарылды

ТАЛДЫҚОРҒАН. KAZINFORM — Бүгін Сарқан ауданында Балқаш көлінде ересектердің қарауынсыз қалған 2020 жылы туған бала демалыс аумағынан өз бетінше шығып, адасып кетті.

«Іздестіру операциясы барысында бала демалыс орнынан 6 шақырым қашықтықта, көлдің жағалауында табылды. Құтқарушылар баланы анасына тапсырды.

Ол медициналық көмекке мұқтаж емес», — деп жазды ТЖД баспасөз қызметінен.

ТЖМ суда қауіпсіздік ережелерін еске салады:

• суға түсуге тыйым салынған жерлерде шомылуға болмайды;
• тереңдігі белгісіз суға сүңгуге болмайды;
• қалқымалардан аса жүзуге болмайды;
• мас күйінде суға түспеңіз;
• су көліктеріне жақын жүзбеңіз;
• тәуліктің қараңғы мезгілінде шомылманыз;
• балаларды қараусыз қалдырмаңыз.