Жетісу облысында қарияның терезесін сындырған күдіктілер іздестіріліп жатыр
ТАЛДЫҚОРҒАН. KAZINFORM – Жетісу облысының полициясы бұл факт бойынша әкімшілік іс қозғады.
Әлеуметтік желіде жалғыз тұратын ақ жаулықты әженің үйіне белгісіз адамның келіп, 5 терезесін сындырып кеткені туралы бейнежазба тарады.
Жетісу облысының Полиция департаментінің мәліметінше, бұл оқиға 29 наурыз күні болған. Қазір күдіктілер іздестіріліп жатыр.
- Қаратал аудандық полиция қызметкерлері Үштөбе қаласында мүлікті бүлдіру фактісі бойынша әкімшілік іс тіркелді. Қазіргі уақытта тексеру жүргізіліп, құқық бұзушыларды анықтау және ұстау бойынша шаралар қабылданып жатыр. Іс облыстық департамент басшылығының бақылауында. Құрметті Жетісу облысының тұрғындары, болған оқиға туралы уақытылы хабарлауыңызды сұраймыз, жедел әрекет ету құқық бұзушылықтарды дер кезінде ашуға көмектеседі – деп хабарлады департаменттен.
Еске салайық, бұған дейін Теміртауда жасөспірімдер 67 жастағы зейнеткерді соққыға жығып, іс-әрекеттерін камераға түсірген еді. https://www.inform.kz/ru/izdevatelstva-nad-pensionerom-snyali-na-video-podrostki-iz-temirtau-8db0af
