Жетісу облысында құтқарушылар өртенген үйден қарт адамды аман алып шықты

АСТАНА. KAZINFORM – Бұл туралы ҚР Төтенше жағдайлар министрлігінің баспасөз қызметі хабарлады.

Баспасөз қызметінің мәліметтеріне қарағанда, Талдықорған қаласының Өтенай ауылында жер үй мен оның шаруашылық құрылысы өртенген.

Құтқарушылар 90 шаршы метр алаңдағы өртті жедел сөндіріп, 1961 жылы туған үй иесін құтқарып, жедел жәрдем бригадасына тапсырған. Сондай-ақ 20 литрлік үш газ баллонын қауіпсіз жерге шығарды.

- Құтқарушылар осылайша, өрттің таралуы мен газ баллондарының жарылуының алдын алды, - діленген хабарламада.

Осыған дейін еріген қар суының салдарынан үшоблыста жол жабылғанын хабарладық.