Жоғары және жоғары оқу орнынан кейінгі білім комитетінің төрағасы тағайындалды
АСТАНА. KAZINFORM – Қазақстан Республикасы ғылым және жоғары білім министрінің бұйрығымен Әмірбекұлы Ержан ведомствоның Жоғары және жоғары оқу орнынан кейінгі білім комитетінің төрағасы қызметіне тағайындалды. Бұл туралы Үкіметтің баспасөз қызметі хабарлайды.
1976 жылы Жамбыл облысында дүниеге келген. М.Х. Дулати атындағы Тараз мемлекеттік университетін тәмамдаған.
Еңбек жолын 1998 жылы М.Х. Дулати атындағы Тараз мемлекеттік университетінде оқытушы болып бастаған.
2004–2014 жылдары — Т.Рысқұлов атындағы Қазақ экономикалық университетінің аға оқытушысы, профессор, кафедра меңгерушісі.
2014–2015 жылдары – ҚР Білім және ғылым министрлігінің Ұлттық тестілеу орталығы басқармасының жетекшісі.
2015–2018 жылдары – Қазақ экономика, қаржы және халықаралық сауда университеті Халықаралық бизнес мектебінің директоры, Академиялық қызмет және ғылым жөніндегі проректоры.
2018–2020 жылдары — Тараз мемлекеттік педагогикалық университетінің ректоры.
2020–2021 жылдары — Тараз өңірлік университеті ректорының міндетін атқарушы, ректоры.
2021–2022 жылдары — ҚР Білім және ғылым министрлігінің Жоғары және жоғары оқу орнынан кейінгі білім департаменті директорының орынбасары.
2022–2025 жылдары – «Ы. Алтынсарин атындағы Арқалық педагогикалық институты» КеАҚ басқарма төрағасы – ректоры.
2025 жылғы қаңтардан бастап қазіргі уақытқа дейін «Әлкей Марғұлан атындағы Павлодар педагогикалық университеті» КеАҚ басқарма төрағасы – ректоры қызметін атқарды.
