Жомарт шахтасындағы апат: Оқиға орнына жедел жәрдем бригадалары жөнелтілді
ЖЕЗҚАЗҒАН. KAZINFORM – Ұлытау облысының денсаулық сақтау басқармасының мәліметіне сай, Жомарт шахтасына жедел медициналық көмектің үш бригадасы жөнелтілді.
Әзірге зардап шеккендер мен үйінді артында қалған шахта қызметкерлері туралы еш хабар жоқ.
«3 жедел жәрдем көлігі жөнелтілді: 1 - облыстық көпсалалы ауруханадан, 2 - Жезқазған медициналық орталығынан», - деп хабарлады Ұлытау облысының денсаулық сақтау басқармасы.
Естеріңізге сала кетейік, бүгін сағат 16:50-де Ұлытау облысы Жаңаарқа ауданында орналасқан «Қазақмыс корпорациясы» ЖШС-ның «Жомарт» кенішінде апат болып, жеті адам төтенше жағдайда қалды.
- Апат орнына Ұлытау және Қарағанды облыстары ТЖД күштері мен құралдары, оның ішінде кинологиялық есептоптар, Қазақстан ТЖМ Апаттар медицинасы орталығының медицина қызметкерлері мен психологтары дерек жіберілді, - деп жазды ТЖМ баспасөз қызметінен.
