Жұмыссыздықты болдырмау мақсатында әскерилердің саны көбейтілмек ? К.Мәсімов
АСТАНА. Қаңтардың 20-сы. ҚазАқпарат /Арман Асқаров/ - Бүгін ҚР Төтенше жағдайлар министрлігінің 2008 жылдың қорытындысына арналған алқа мәжілісінде ҚР Премьер-Министрі Кәрім Мәсімов елдегі жұмыссыздықты болдырмау мақсатында министрлікке қарасты құрылымдарда келісімшарт негізінде қызмет етіп жүрген әскерилердің санын көбейтуді тапсырды,
деп хабарлайды ҚазАқпарат.«Бір жағынан біз осының арқасында әскери қызметкерлердің жұмыс кестесін ұлғайтатын болсақ, екінші жағынан биылғы жылдың басты міндеті ? жұмыссыздықты болдырмау мәселесін шеше аламыз. Сондықтан мен Төтенше жағдайлар министрлігіне осы жұмысты қолға алуды тапсырамын», - деді К.Мәсімов. Үкімет басшысы атап көрсеткендей, осы іспетті тапсырмалар ҚР Ішкі істер министрлігіне, ҚР Қорғаныс министрлігі мен Шекара қызметіне берілетін болады.
