Жүзуші Әділбек Мусин Қазақстан рекордын жаңартты

  АСТАНА. KAZINFORM – Жүзуден Қазақстан құрамасының көшбасшыларының бірі Әділбек Мусин рекордты жаңартты.

ҚР ҰОК мәліметінше, ол баттерфляй әдісімен 50 метр қашықтықта еліміздің үздік нәтижесін жаңартты.

Қазіргі уақытта Талдықорғанда өтіп жатқан Қазақстан чемпионатында Мусин 23,36 секунд нәтиже көрсетті. Бұған дейінгі рекорд та Әділбекке тиесілі болатын – 23,40 секунд.

Айта кетейік, Әділбек Мусин жүзуден ҚР чемпионатында 50 және 100 метр қашықтықтарда баттерфляй әдісімен жүзуде алтын медаль жеңіп алды.

Еске салсақ, Грекиядағы халықаралық турнирде суға жүзуден Қазақстан құрамасы 8 медаль алды.