Жыл басынан бері Астанада 15 мың әкімшілік заңбұзушылықтар тіркелді
АСТАНА. 25 сәуір. ҚазАқпарат - Жыл басынан бері 150-ге жуық адам ұсақ бұзақылық және қоғамдық орындарды ластағандығы үшін әкімшілік қамауға алынды.
Бүгінгі таңда 15 мың шамасында әкімшілік заңбұзушылықтар тіркелген. Жолға қоқыс тастаған жүргізушілердің 7 мыңнан астамы жазаға тартылды. Заңның ала жібін аттағандарға 68 млн. теңге көлемінде айыппұл салынды.
Қаланы абаттандыратын ұйымдар да «ерекшеленіп», ережелерді сақтамай отыр. ПИК-тің 30-дан астам басшысы және 20 мердігерлік ұйым әкімшілік жауапкершілікке тартылған.
