Жыл басынан бері республикада орын алған 7108 жол-көлік оқиғасында 1653 адам көз жұмды - Жол полициясы комитеті
СТАНА. Қыркүйектің 20-сы. ҚазАқпарат /Гүлмира Әлиакпарова/ - Ағымдағы жылдың басынан бері республика жолдарында 7108 жол-көлік оқиғасы (ЖКО) тіркелді. Оларда 1653 адам қаза тауып, 8262 адам түрлі дәрежедегі жарақаттар алды.
ҚР Ішкі істер министрлігі Жол полициясы комитетінен мәлім еткендей, өткен жылдың сәйкес кезеңінде 7571 жол оқиғасы тіркелді. Жолдағы оқиғалардың саны 5,4 пайызға, адамдардың өлімі - 3,6 және жарақат алғандар - 6,9 пайызға азайды.
Балалардың қатысуымен болған 1173 жол-көлік оқиғасында 129 бала ажал құшты, 1152-сі түрлі жарақаттар алды. 2009 жылдың аталмыш кезеңіндегі көрсеткіштерге қарағанда биыл ЖКО 5,9 пайызға, жарақаттанғандар - 7,5 пайызға азайған болса, оқиға салдарынан мерт болған балалардың саны 8,4 пайызға керісінше артты.
Сонымен бірге, аталмыш уақыт аралығында республика жолдарында 1 347 558 жолда жүру ережелерін бұзу фактісі анықталды. Оның ішінде мас күйінде рөлге отырған 46 997 жүргізуші ұсталды.
Соттың үкімімен 35 549 адам жүргізу куәліктерінен айырылды, 6 428-і әкімшілік жуапкершілікке тартылды.
Жіті бақылау ірі мегаполистер - Астана мен Алматы қалаларында орнатылды. Мұнда 368 012 бұзушылық анықталды, оның ішінде 8 796-сы алкогольді ішімдікті пайдаланғаннан кейін рульге отырған.
