Жыл басынан Қазақстан халқы 166 мың адамға немесе 1 пайызға көбейді

АСТАНА. 12 қазан. ҚазАқпарат - Жыл басынан Қазақстан халқы 166 мың адамға немесе 1 пайызға көбейді. Бұл туралы бүгін брифинг барысында ҚР Статистка агенттігінң төрағасы Әлихан Смайылов мәлім етті.

«2013 жылдың 1 қыркүйегінде ел халқының саны 17 млн. 75 мың адамды, оның ішінде қалада 9 млн. 384 мың, ауылдық жерде 7 млн. 691 мың адамды құрады», - деді ол.

Оның айтуына қарағанда, жыл басынан Қазақстан халқы 166 мың адамға немесе 1 пайызға көбейді. Ал 2012 жылдың 1 қаңтарымен салыстырғанда 239 мың адамға немесе 1,4 пайызға артты.