Жыл соңына дейін жеке басты куәландыратын құжаттарды қайта шығару «е-қызмет» арқылы жүзеге асады

Олардың қатарында жеке басты куәландыратын құжаттарды қайта шығару қызметі бар. Бұл туралы Көлік және коммуникация министрлігінің баспасөз қызметінен хабарланды.
Бүгінгі күні Қазақстанда «электрондық үкімет» жобасы аясында 2000-нан астам ақпараттық, 225 интерактивті және транзакциялық қызметтер көрсетілуде. Бұдан бөлек, күн сайын 25000 пайдаланушы «e-Gov» порталын пайдаланады. Сонымен қатар, осы уақытқа дейін 1 млн. астам электрондық сандық қолтаңба (ЭЦҚ) берілді. Осы қолтаңбаның көмегімен азаматтар интернет арқылы мемлекеттік қызмет көрсетулерді алады. «Е-қызметтердің ішінде ең көп сұранысқа ие айыппұл мен салық төлеу, жылжымайтын мүліктің жоқтығы туралы, зейнетақы салымдары туралы анықтама және тағы басқалары болып отыр. Ал ағымдағы жылдың соңына дейін жаңа «е-қызметтерді» іске қосу жоспарлануда. Олардың қатарында жеке басты куәландыратын құжаттарды қайта шығару қызметі бар», - делінген баспасөз айғағында.