Зинедин Зидан «Реал» клубының бас бапкері болып тағайындалды

АСТАНА. ҚазАқпарат - Зинедин Зидан испаниялық «Реал» футбол клубының бас бапкері болып тағайындалды. Бұл туралы мадридтік клубтың президенті Флорентино Перес осыған орай арнайы ұйымдастырылған баспасөз мәслихатында мәлім етті.

Бұдан бұрын Реалды 2015 жылғы жаздан бері жаттықтырып келген Рафаэль Бенитес жұмыстан босатылған болатын, деп хабарлайды ТАСС.

Зидан үш рет «FIFA тұжырымы бойынша әлемнің үздік футболшысы» атанған (1998, 2000, 2003). Франция құрамасы сапында ол 1998 жылы әлем чемпионы және 2000 жылы Еуропа чемпионы болды. Бұл тағайындауға дейін ол "Реалдың" жастар командасын жаттықтырған еді.