Танжариков Берик Куанышевич

Қамтамасыз етеді:

• Қостанай облысының аумағында құрылыс, тұрғын үй-коммуналдық шаруашылық, энергетика, сумен жабдықтау, жылумен жабдықтау, газбен жабдықтау, абаттандыру және көгалдандыру, өнеркәсіп, көлік, автомобиль жолдары, телекоммуникациялар, қала құрылысы, сәулет, сәулет-құрылыс бақылауы, балық шаруашылығы, табиғи ресурстар және табиғатты пайдалану, су қорының пайдаланылуы мен қорғалуы салаларында мемлекеттік саясат пен өңірлік бағдарламалардың уақтылы, сапалы және толық орындалуын;

• Қазақстан Республикасы Президентінің, Премьер-Министрінің, Қазақстан Республикасы Президенті Әкімшілігінің, Мемлекеттік кеңесшінің, Үкімет Аппаратының, сондай-ақ Қостанай облысы әкімі мен әкімдігінің актілері мен тапсырмаларының уақтылы, сапалы және толық орындалуын;

• Қазақстан Республикасы Президенті Әкімшілігімен, Үкімет Аппаратымен, орталық мемлекеттік органдармен және олардың аумақтық бөлімшелерімен, өзге де мемлекеттік органдар мен мекемелермен өзара іс-қимылды;

• Қарастыратын бағыттар бойынша заң жобаларын, Үкімет қаулыларын, Премьер-Министр өкімдерін, Президент актілерін, апелляциялық, кассациялық және жеке шағымдарды келісуді.

Ұйымдастырады:

• Құрылыс, сәулет және қала құрылысы салаларында мемлекеттік саясатты іске асыру жөніндегі жұмысты;

• Тұрғын үй-коммуналдық шаруашылық, елді мекендер, өнеркәсіп нысандары, телекоммуникация желілері, абаттандыру, көгалдандыру және қалдықтарды басқару салаларында инфрақұрылымды дамыту жөніндегі жұмысты;

• Энергиямен, жылумен, сумен және газбен жабдықтау жөніндегі жұмысты;

• Жолаушылар көлігі саласында бірыңғай саясатты іске асыруды реттеу, үйлестіру және бақылау, сондай-ақ автомобиль жолдарының жұмыс істеуін қамтамасыз ету жөніндегі жұмысты;

• Құрылыс нысандарының сапасына мемлекеттік сәулет-құрылыс бақылауы мен қадағалауды, тұрғын үй қорын басқару саласында мемлекеттік бақылауды жүзеге асыру жөніндегі жұмысты;

• Өсімдіктер мен жануарлар дүниесінің биологиялық әртүрлілігін сақтау, ормандарды қорғауды қамтамасыз ету, қоршаған ортаның сапасын жақсарту, су объектілерін тиімді пайдалану және қорғау, мелиорация мен ирригация мәселелері бойынша жұмысты;

• Табиғи және техногендік сипаттағы төтенше жағдайлардың алдын алу және олардың салдарын жою мәселелері бойынша жұмысты.

Үйлестіреді:

• Құрылыс, тұрғын үй-коммуналдық шаруашылық, энергетика, сумен, жылумен және газбен жабдықтау, абаттандыру және көгалдандыру, өнеркәсіп, көлік, автомобиль жолдары, телекоммуникациялар, қала құрылысы, сәулет, сәулет-құрылыс бақылауы, балық шаруашылығы, табиғи ресурстар және табиғатты пайдалану, су қорының пайдаланылуы мен қорғалуы салаларында бағдарламалар мен кешенді іс-шараларды іске асыру жөніндегі аумақтық органдардың өзара іс-қимылын;

• Құзыреті шегінде квазимемлекеттік сектор ұйымдарымен, кәсіпкерлік субъектілерімен, халықаралық және қоғамдық ұйымдармен, қорлармен, сондай-ақ өзге де кәсіпорындармен өзара іс-қимылды;

• Табиғи және техногендік сипаттағы төтенше жағдайлардың алдын алу және олардың салдарын жою мәселелері бойынша ведомствоаралық өзара іс-қимылды.

Басшылықты жүзеге асырады:

• Құрылыс, тұрғын үй-коммуналдық шаруашылық, энергетика, сумен, жылумен және газбен жабдықтау, абаттандыру және көгалдандыру, өнеркәсіп, көлік, автомобиль жолдары, телекоммуникациялар, қала құрылысы, сәулет, сәулет-құрылыс бақылауы, балық шаруашылығы, табиғи ресурстар және табиғатты пайдалану, су қорының пайдаланылуы мен қорғалуы бағыттары бойынша жұмыс жүргізетін әкімдіктің құрылымдық бөлімшелеріне.

Жетекшілік етеді:

• Құзыреті шегінде аумақтық консультативтік және үйлестіруші кеңестерге, комиссияларға.

Еңбек жолын 2011 жылғы сәуір айында «Fire Safeti Engineering» ЖШС-де учаске шебері болып бастады. 2015 жылғы шілдеге дейін Астана қаласындағы жеке құрылыс компанияларында, оның ішінде BI Group холдингінде құрылыс учаскесінің шебері, инженер, директордың орынбасары, прораб қызметтерін атқарды.

2015 жылғы шілдеден 2019 жылғы қазанға дейін Қостанай облысы әкімдігінің мемлекеттік сәулет-құрылыс бақылау басқармасы басшысының орынбасары, кейін басқарма басшысы лауазымдарын атқарды.

2019 жылғы қазаннан 2023 жылғы қыркүйекке дейін Қостанай облысы әкімдігінің құрылыс, сәулет және қала құрылысы басқармасының басшысы болды.

2023 жылғы қыркүйектен 2024 жылғы қазанға дейін Қостанай облысы Қостанай ауданының әкімі қызметін атқарды.

2024 жылғы қазаннан бастап қазіргі уақытқа дейін — Қостанай облысы әкімінің орынбасары.

Л.Н. Гумилев атындағы Еуразия ұлттық университетін «Құрылыс» мамандығы бойынша тәмамдаған, техника ғылымдарының магистрі.