Газа секторында гуманитарлық жүк тиелген колоннаға соққы жасалып, еріктілер қаза тапты
АСТАНА. KAZINFORM – Газа секторындағы гуманитарлық көмек тиелген колоннаға жасалған шабуыл салдарынан World Central Kitchen ұйымының жеті еріктісі қаза тапты. Қаза тапқандар – Палестина, Аустралия, Польша, Ұлыбритания, АҚШ және Канада азаматтары, деп хабарлайды Al Jazeera.
Израиль қорғаныс күштерінің колоннамен бірге еріп жүруіне қарамастан, Газаға теңіз арқылы жеткізілген 100 тоннадан астам гуманитарлық азық-түлік көмегі түсірілгеннен кейін қарауылшы жасаққа Дейр эль-Балах қаласындағы қоймадан шыққан кезде оқ атылды.
Бұған дейін хабарланғандай, Газа секторындағы Әл-Шифа ауруханасы Израиль әскері екі апталық рейд жүргізіп, тастап кеткеннен кейін толықтай қираған.
7 қазаннан бері Израильдің Газа секторына жасаған шабуылдары салдарынан кем дегенде 32 916 палестиналық қаза тауып, 75 494 адам жарақат алған. Израильде 7 қазанда ХАМАС шабуылынан қаза тапқандар саны 1139 адам.
Еске сала кетсек, Иран Израильді Дамаскідегі консулдыққа әуеден шабуыл жасағаны үшін айыптады. Шабуыл салдарынан Иран Ислам революциясы корпусының генералы қаза тапты.